المساعد الشخصي الرقمي

مشاهدة النسخة كاملة : فلسطيني ممنوع تعيش؟



ربى الورده الجوريه
11-09-2009, 04:58 PM
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور
؛؛؛؛؛؛؛؛؛؛؛

ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش
؛؛؛؛؛؛؛؛؛؛؛

فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مسلوب
و كأنك سبب الن**ات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب
؛؛؛؛؛؛؛؛؛؛؛

مع انو الحقيقه
انا الي بالدنيا ضحيه
عملتوني ماده للغنى
و قضية للي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي
؛؛؛؛؛؛؛؛؛؛؛
بدنا نعيش

ربى الورده الجوريه
11-09-2009, 05:07 PM
[فقط الأعضاء المسجلين والمفعلين يمكنهم رؤية الوصلات]*************/_qjrCc21pWaE/R2ZyItY7snI/AAAAAAAAAGs/G2vVCuWaDW0/s400/mamapal7gn%5B1%5D.jpg

مستر نور
11-09-2009, 05:22 PM
تحياتي اختي ربى

الكل لزم يتحرك لتحرير فلسطين شباب او بنات


هادي بلدنا ولزم ندافع عنها بروحنا

ولو راح شهيد منا بكون رايح منهم عشره

واحنا مش لزم نسكت عن حقنا احنا فلسطينين ولو كل الدول اتعاونو ماكان فاتت اسرائيل على فلسطين




بس شو بدنا نحكي اختي والمعنى انو لزم نتكاتف ايد وحده وزي مابقولو في المنتديات يد بيد نسعة لرقى


المنتدى واحنا لزم نحكي يد بيد نسعا لرقى وطنة العزيز والغاليه فلسطين ومش لزم نحكي حكي لزم فعل


صح اختي ارجو ان تردي علي

joseph
13-09-2009, 09:19 PM
تحياتي لاصحاب المشاعر الوطنية ولكن حياتنا اليوم جحيم والجحيم اصبح جحيمين غزة والقدس والكل نائم فمن لم يتحرك لاجل القدس ليس فلسطين
مشكووووووور