المساعد الشخصي الرقمي

مشاهدة النسخة كاملة : قصة فلسطينية في ابيات شعر رائعة



رومانسية فلسطين
29-04-2010, 07:09 PM
قصة فلسطينية في ابيات شعر رائعة


........................................


..

............................
............


الله واحد مالو ثان


القصه قصه انساني


عاشت في قديم الزمان


وأولها كان يا مكان


كان إلها أربع صبيان


محمد واحمد وغسان


وأصغرهم إسمو عدنان


لما كبروا هالصبيان


شاهدوا غدر اللئام


وسألوا امهم يا يما


ليش ما إلنا بستان؟


وينو أبونا يا يما؟


قلتيلنا انه رجعان


وليش منسكن بالخيمه؟


من دون كل الجيران


قالت امهم يا ولادي


كان إلنا أجمل بستان


حرثو أبوكم بدراعه


زرع العنب والرمان


وكله فـّي وكله مي


كله خضره واطمئنان


وبجنبو إلنا بياره


فيها الحامض والحليان


وبالبياره بير كبير


حفره أبوكم للعطشان


وقبالوا شارع طويل


بينزل دغري على بيسان


على طرفه كلو أزهار


ورد وفل واقحوان


وبغربه كان إلنا بيت


وقباله ساحه وميدان


وفي الساحه مربط للخيل


لأبوكم شيخ الفرسان


فيه القهوه وفيه الهيل


فيه حدث يا مكان


كنا نقضي فيه الليل


والقمر فوقنا سهران


منسامر ونقول يا ليل


والدنيا كلها أمان


كنتوا إنتو ولاد صغار


تنزلوا على البستان


تقطعوا من الاثمار


تلعبوا مع الأغصان


مر الزمن يا حبابي


كبر العنب والرمان


لكن الظالم يا ولادي


غادر ما إلو أمان


وهجموا علينا الأعادي


ونزلوا من البدر النسوان


سقط أبوكم يا ولادي


وهو يدافع عن البستان


والي استشهد استشهد


وتصاوبوا كل السكان


اليوم كبرتوا يا ولادي


صرتوا من رجال الشجعان


فلسطين بتستنا


بتستنا كل الفرسان


وبتنادي هي يا ولادي


حرروني من العدوان


إتطوع أحمد وغسان


ولحقوا محمد وعدنان


ونزلوا على فلسطين


حملوا المدفع والقرأن


عند حدود البياره


والقمر يرسل لمعان


واستشهدوا بالغاره


قبل ما يشوفوا البستان


وعلى باب الخيمه وقفت


ام احمد ام الشجعان


قالت يا ربي حمدك


ما غيرك إني حمدان


رايح أبكي ورايح أنوح



لكن ياربي فرحان

وطن الاحزان
29-04-2010, 08:34 PM
مشكوره روماااانسيه على القصه الرائعه

تحياتي لقلمك المبدع

حمساوي
29-04-2010, 08:52 PM
شكرا على القصة

تقبلي مروري

رومانسية فلسطين
29-04-2010, 08:52 PM
اهلين وطن الاحزان
يسعدني تكون اول المعلقين ع الموضوع

رومانسية فلسطين
29-04-2010, 08:54 PM
منور حمساوي
يسلمو ع مرورك

Brave Heart
06-05-2010, 12:46 AM
كمااا عودتناا انت .. مواااضيع رااائعــــــــة.. ..
يعطيك الف عااافيه..
لااا ننحرم من رووعة طرحك يااا مبدعــــــــ
دمت لمن تحــــــــــــب..

رومانسية فلسطين
11-06-2010, 11:32 AM
ولايحرمنا منكم ومن مروركم ع مواضيعي
شكراااااا

اميره بس اسيره
11-06-2010, 05:11 PM
يسلموووووووو كتير

مشكووره على القصيده الحلوه

أميـــر بكلمتي
11-06-2010, 05:22 PM
يسلموووو عالقصيده

ننتظر كل جديد

اميرة الاحزان
11-06-2010, 09:31 PM
طرح في قمة الروعه

تسلم الايادي

تحياتي